Cyfarfod â Thîm Sparc

Miranda Ballin ydw i, Cyfarwyddwr Artistig Sparc. Cyrhaeddais yn gyntaf yn 1990 pan oeddwn i’n gweithio i Theatr Powys fel actor a theimlais yn gwbl gartrefol gyda Valleys Kids. Penderfynais ei bod hi’n bryd imi blannu gwreiddiau ar ôl blynyddoedd o deithio theatrau mewn ysgolion a chymunedau fel actor proffesiynol a chyfarwyddwr theatr.

Rwyf wedi bod yn rhan o Valleys Kids er pan oeddwn i’n blentyn, ac ar ôl graddio o Brifysgol De Cymru ymunais â’r tîm celfyddydau ieuenctid yn 2009, gan lansio rhaglen greadigol Flight Wings 16-25. Rwyf wrth fy modd y gweithio gyda phobl o bob cefndir a gallu a chreu straeon trwy theatr a symud.

Kiara Sullivan ydw i, ac rwyf wedi bod yn gysylltiedig â Sparc a Phlant y Cymoedd ers pan oeddwn yn 7 mlwydd oed. Dechreuais gyda gweithdai drama cyn symud ymlaen i theatr ieuenctid, a chefais nifer o brofiadau a chyfleoedd arbennig o fewn y prosiectau hyn. Cymerais ran mewn rhaglen Gyfnewid Ryngwladol lle cefais y cyfle i fynd i Wlad Pwyl a gweithio gyda phobl ifanc o Wlad Pwyl a Georgia. Perfformiais hefyd yn yr ŵyl gelfyddydau gyntaf a gynhaliwyd gan bobl ifanc, sef Rawffest a gynhaliwyd yng Nghasnewydd. Yn ystod fy nghyfnod o gymryd rhan, cefais gyfle hefyd i wirfoddoli mewn clwb ar ôl ysgol a phrosiectau theatr yn yr haf yn lleoliadau eraill Plant y
Cymoedd.

Alan Humphreys ydw i, ac rwy’n Gynhyrchydd yn y tîm Dysgu Creadigol yng Nghanolfan Mileniwm Cymru. Fy rôl yw goruchwylio’r bartneriaeth strategol rhwng y Ganolfan a Sparc Plant y Cymoedd, sy’n anelu at ddarparu mwy o gyfleoedd creadigol i bobl ifanc yng Nghymoedd y De. Rwyf mewn sefyllfa lwcus iawn i allu rhannu fy amser rhwng Canolfan Mileniwm Cymru a Sparc, sy’n golygu fy mod yn cael cyfle i weithio gyda dau dîm gwych!

Hannah ydw i ac rwy’n ysgrifennydd, yn actor ac yn hwylusydd sy’n dod i’r amlwg, ac rwy’n dod o’r Porth yn Rhondda Cynon Taf. Rwy’n mwynhau creu darnau o theatr sy’n cynrychioli cynulleidfaoedd ac artistiaid dosbarth gweithiol mewn modd dilys. Rwy’n mwynhau siarad am faterion pwysig drwy gomedi. Rwy’n teimlo’n angerddol dros wneud theatr sy’n hygyrch i bawb, drwy ddulliau hwyluso drama. Ar hyn o bryd, fi yw’r arweinydd rhwydwaith / cyfranogi ar Rwydwaith Artistiaid sy’n dod i’r Amlwg Gwnewch e! ac rwy’n un o weithwyr cyswllt Sparc. 

Yasmin ydw i. Cefais fy magu ym Mhort Talbot ac rwyf bellach yn byw yn Rhondda Cynon Taf. Rwy’n weithiwr, yn gynhyrchydd ac yn berfformiwr theatr sy’n dod i’r amlwg.  Mae gennyf ddiddordeb mewn prosesau arbrofol, ar y cyd, sy’n dweud storïau go iawn ac mewn canfod dulliau newydd o greu a rhannu perfformiadau. Bu’n gyffrous iawn meithrin perthynas â Sparc ers symud i RhCT, a bod yn rhan o’r gwaith anhygoel a phwysig y maent yn ei wneud a gallu dysgu a thyfu gyda’u cefnogaeth. Rwyf bellach yn Weithiwr Cyswllt i Sparc ac yn gweithio ar Gwnewch e! mewn rôl farchnata a gweinyddu.  

Rwy’n cael fy adnabod ym myd y theatr Gymraeg fel awdur sy’n creu bydoedd ffuglen sy’n cynnwys lleisiau go iawn. O theatr gair am air i gynyrchiadau safle-benodol gyda ac o fewn cymunedau ar gyrion ein cymdeithas, mae fy ngwaith bob amser yn gynrychiolaeth gwir o'r Cymru yr ydym yn byw ynddi heddiw. Rwy'n canolbwyntio'n bennaf ar leisiau merched, y gymuned queer a'r dosbarth gweithiol. Rwy'n barod wedi gweithio gyda Sparc ar brosiect radfa fawr 'Ymyriadau Pwerus' ar gyfer Gwyl y Llais 2021, grwp sgwennu 'Pencil Breakers' a chriw cwîar ifanc o wneuthurwyr ffilm, 'Prosiect Madison'.

Roedd cerddoriaeth yn achubiaeth wirioneddol i mi pan oeddwn yn iau a gwnaeth yr hyder y gwnaeth fy helpu i’w ganfod fy ysbrydoli’n fawr i ymwneud â chelfyddydau ieuenctid. Gan adeiladu ar radd mewn Addysg Cerdd a Chelf, datblygais wir frwdfrydedd am ddrama hefyd - roedd ei bŵer i ddod â phobl ynghyd yn ymddangos fel pe bai’n ateb hanfodol mewn byd sy’n ein gwthio ni oll ar wahân yn gynyddol.  Ers dechrau fel Gweithiwr Datblygu Celfyddydau Ieuenctid 16 blynedd yn ôl, rwyf wedi gweithio gyda grwpiau amrywiol a heriol ledled Cymru. 

Ian McAndrew ydw i, ac rwy’n weithiwr llawrydd sy’n gweithio ar draws rolau amrywiol o fewn y sector cyfranogi ac ymgysylltu â’r celfyddydau. Mae’r rolau hyn yn amrywio o ddarparu celfyddydau ieuenctid i reoli prosiectau. Mae gennyf ddiddordeb mawr ym mhob ffurf gelfyddydol a’r effaith y maent yn ei chael ar bobl a’u cymunedau. 

Mae Kyle yn actor, yn gynhyrchydd ac yn weithiwr creadigol dosbarth budd-daliadau o Gwm Rhondda, De Cymru. Fe’i magwyd ar aelwyd rhiant sengl ar ystadau cyngor a dechreuodd ei daith yn y diwydiant creadigol drwy ysgrifennu barddoniaeth yn archwilio’r pethau a wynebodd fel person ifanc yn yr amgylchedd hwn.

Mae Ryan yn Actor ac yn Weithiwr Creadigol Llawrydd o Gwm Rhondda, De Cymru. Graddiodd Ryan gyda gradd BA mewn actio yn 2019 ac aeth ymlaen i gyd-sefydlu Off Ya Trolley Productions, sef cwmni cynhyrchu theatr lleol o’r Rhondda, a sefydlwyd i gynrychioli a hyrwyddo artistiaid a chymunedau dosbarth gweithiol. 

Beth Caudle ydw i ac rwy’n ymarferydd creadigol ac yn storïwr. Cefais fy magu yng nghefn gwlad Cernyw a deffrodd y tirlun hudolus a’i nifer o fythau a chwedlau gariad ynof am ddarganfod a rhannu storïau. Mae’r daith hon wedi mynd â mi i bob cwr o’r DU lle rwyf wedi gweithio yn gwneud gwaith theatr i deuluoedd ac arwain prosiectau drama, dweud storïau a syrcas gyda nifer o wahanol gymunedau a grwpiau. Rwyf bellach yn byw yng Nghaerdydd a bues yn ddigon ffodus i weithio gyda thîm Sparc yn llawn amser a bellach fel gweithiwr llawrydd am bron i bedair blynedd.