Cyfarfod â Thîm Sparc

Yn 1998 gweithiodd staff rhyfeddol Valleys Kids gyda fi i wneud cais loteri ar gyfer sefydlu prosiect celfyddydau ieuenctid, a chafodd Sparc ei greu.

Bellach mae pobl ifanc a myfyrwyr wnaeth ddarganfod cariad at y celfyddydau trwy weithio ochr yn ochr â thîm Sparc yn rhedeg y prosiect eu hunain ac rwyf wrth fy modd gyda hynny! Y Cymoedd yw fy ngartre ac rwyf eisiau helpu pobl ifanc o’r ardal i ddarganfod eu potensial ar eu telerau eu hunain. Mae Sparc yn gwbl gynhwysol a gall unrhyw un ymuno yn y gwaith. Rwy’n mwynhau gweithio mewn cydweithrediad gyda phobl a sefydliadau sy’n ysbrydoli ac rwyf mor falch fod ein staff a’n pobl ifanc wedi gweithio’n rhyngwladol gyda phobl o wahanol ddiwylliannau a chefndiroedd gan barhau i ddysgu oddi wrth y naill a’r llall.

Mae cwblhau fy TAR wedi fy ngalluogi i fentora a chefnogi llawer o bobl ifanc o fewn Valleys Kids ac annog pobl i fynd i mewn i addysg bellach a hyfforddiant. Rwy’n mwynhau bod yn rhan o brosiect mor gynhwysol, deinamig a hygyrch ble mae croeso i bawb gymryd rhan a’u mynegi eu hunain mewn ffordd greadigol.

Cefais fy ysbrydoli gymaint gan waith y Gweithwyr Celfyddydau Ieuenctid a sut roeddent yn darparu’r cyfleoedd hyn o fewn fy nghymuned fel fy mod i eisiau gwneud yr un peth ar gyfer y genhedlaeth nesaf o bobl ifanc. Enillais radd Anrhydedd Dosbarth Cyntaf mewn Drama Gymhwysol yn 2020 o Brifysgol Cymru Y Drindod Dewi Sant. Fi yw’r Gweithiwr Celf Ieuenctid diweddaraf o fewn Sparc. Gweithiais yn ddiweddar i Ganolfan Mileniwm Cymru fel Cynorthwyydd Cynhyrchu ar gyfer Ymyriadau Pwerus, y comisiwn cyntaf erioed dan arweiniad pobl ifanc yn y Ganolfan. Ochr
yn ochr â hyn, roeddwn yn cydweithio ar nifer o brosiectau cyffrous a fydd gobeithio’n arwain y ffordd tuag at y newid sydd ei angen ar hyn o bryd yn sector y celfyddydau. Mae’r prosiectau hyn yn cynnwys cynyddu’r ymwybyddiaeth o gwmpas Kickstart a chwarae rhan
fawr mewn rhwydwaith newydd ar gyfer artistiaid addawol yn Rhondda Cynon Taf o’r enw ‘Gwnewch e’. Rwyf wrth fy modd fy mod yn rhan o Academi Arweinyddiaeth Cenedlaethau'r Dyfodol. Fel rhan o hyn, fi yw cynrychiolydd Canolfan Mileniwm Cymru fel rhan o'r bartneriaeth Yn Gryfach Ynghyd gyda Phlant y Cymoedd. Byddaf o hyd yn angerddol ynghylch cefnogi pobl ifanc i sicrhau bod eu lleisiau’n cael eu clywed ac i greu’r newid y maent am ei weld.

Mae gennyf gefndir yn y theatr gan fy mod wedi treulio llawer o fy nauddegau fel perfformiwr, cyn symud i waith cynhyrchu, yn gyntaf drwy ffilm ac yna’r celfyddydau ehangach. Ymunais â Chanolfan Mileniwm Cymru yn 2018 ac rwy’n teimlo’n angerddol ynghylch ymestyn y tu hwnt i’n cartref ym Mae Caerdydd i’r Cymoedd, er mwyn gwrando ar bobl ifanc yn yr ardal a dysgu ganddynt a sicrhau bod y Ganolfan yn gymaint o gartref iddyn nhw ag ydyw i bobl ifanc Caerdydd.

Mae hefyd yn aelod o grŵp ysgrifennu Pencil Breakers a bu’n cymryd rhan mewn nifer o brosiectau ychwanegol cyffrous gyda’r grŵp hwn, gan gynnwys: Yr Eisteddfod, Queertawe.

Mae Sparc wedi cefnogi Hannah fel Crëwr Theatr am nifer o flynyddoedd, sy’n cynnwys comisiynu Hannah fel rhan o Ŵyl Ymyriadau Pwerus lle lluniodd Hannah berfformiad 15 munud o’r enw “Leanne” ac fe’i perfformiodd ar Lwyfan y Lanfa yng Nghanolfan Mileniwm Cymru.

Yn fwyaf diweddar, mae Sparc wedi llunio partneriaeth ar gyfer y gwaith o ymchwilio a datblygu sioe unigol lawn gyntaf Hannah, “Full House”, sy’n cael ei chyd-gynhyrchu ar hyn o bryd gan Theatr y Sherman a Theatrau Rhondda Cynon Taf.

“Fel rhywun sydd wedi symud i’r cymoedd, cymerodd Sparc fi o dan ei adain a chaniataodd fi i dyfu fel artist ac fel unigolyn. Nid yn unig fy mod wedi datblygu fel hwylusydd gweithdai drwy fy ngwaith gyda Sparc, ond dysgais hefyd, wrth fod o gwmpas tîm Sparc, fwy am fy ngwerthoedd a’r math o ymarferydd yr hoffwn fod. Rwyf wedi cael y fraint wirioneddol o gyflenwi fel unigolyn cymorth mewn sesiynau theatr ieuenctid, yn ogystal â helpu gyda gwaith gweinyddu a marchnata Gŵyl Fach y llynedd, i ddathlu 25 blynedd o Sparc.

Rwyf wedi rhedeg prosiectau creadigol mewn ysgolion, carchardai, canolfannau cymunedol a chanolfannau celfyddydol. Gweithiais fel Cyd-gyfarwyddwr Theatr Fforwm Cymru ac yn fwy diweddar fel Cynhyrchydd i Ganolfan Mileniwm Cymru. Yn fy rôl bresennol fel Ymarferydd Creadigol llawrydd, rwy’n rhedeg prosiectau i Sparc, Canolfan Mileniwm Cymru, Tanio, y GIG, cynghorau lleol a Chyngor Celfyddydau Cymru

Rwy’n ffodus iawn fy mod wedi treulio 7 o fy mlynyddoedd datblygedig yn gweithio’n llawn amser i dîm Sparc; lle’r oeddwn yn gallu datblygu’r sgiliau sydd eu hangen i greu gweithgareddau a rhaglenni pryfoclyd a deniadol ar gyfer plant a phobl ifanc. Ar hyn o bryd, rwy’n cefnogi’r Rhwydwaith Gwnewch E!, ochr yn ochr â darparu cefnogaeth ar gyfer Gweithdy Drama Rhydyfelin, fel Gweithiwr Cyswllt Sparc.

Canfu’r celfyddydau a syrthiodd mewn cariad â nhw oherwydd yr ymdeimlad o ddihangfa y gwnaethant ei roi iddo o’r pethau a wynebodd fel unigolyn ifanc, ond bellach mae eisiau troi hynny ar ei ben a’u defnyddio i gyflwyno cynrychiolaeth amrwd o’i wreiddiau. Cyd-sefydlodd Off Ya Trolley Productions i hyrwyddo lleisiau artistiaid a chymunedau dosbarth gweithiol. Mae eisiau brwydro yn erbyn tangynrychiolaeth mewn perthynas ag artistiaid o gefndir economaidd-gymdeithasol is a gwneud y celfyddydau mor amrywiol â phosibl.

Ar hyn o bryd, mae Kyle yn gweithio fel Cynhyrchydd Creadigol Cynorthwyol gydaTheatrau RhCT. Mae wedi derbyn Bwrsariaeth Greadigol Weston Jerwood 2020-2022. Dechreuodd perthynas Kyle â Sparc a Phlant y Cymoedd pan ddechreuodd fynychu eu Sesiynau Drama Ieuenctid. Cafodd ei gefnogi yn ddiweddarach gan Blant y Cymoedd a Sparc drwy raglen addysg amgen.

Mae gan Ryan berthynas sefydledig â Phlant y Cymoedd a Sparc, ac ymunodd â’r tîm fel Gweithiwr Cyswllt Sparc, gan weithio fel hwylusydd celfyddydau llawrydd yn cefnogi sesiynau drama wythnosol.

Bu Sparc yn rhan fawr o fy nhaith—mae wedi rhoi cyfle i mi dyfu fel hwylusydd, arweinydd, a chydweithredwr. Rwyf wedi cefnogi sesiynau drama a sesiynau creadigol i bobl ifanc rhwng 7 a 15 oed, sy’n helpu i greu mannau diogel, mynegiannol lle y gallant feithrin hyder a chael hwyl. Mae bod yn Swyddog Cyswllt i Sparc yn golygu bod yn rhan o gymuned sy’n gwerthfawrogi creadigrwydd, cynwysoldeb, a gwneud gwahaniaeth drwy’r celfyddydau.

Rwy’n frwdfrydig ynghylch ddefnyddio theatr a dweud storïau i rymuso eraill, ac rwy’n gyffrous ynghylch parhau i dyfu a dysgu gyda Sparc!

“Mae gweithio gyda Sparc wedi caniatáu i mi berfformio’n broffesiynol yn fy ardal leol a rhoi rhywbeth yn ôl i’r cymunedau sydd wedi helpu i lunio’r awdur a’r actor yr wyf fi heddiw. Mae wir yn fraint cael cymryd rhan mewn sefydliad mor groesawgar, cefnogol ac ymrwymedig.”

Mae pob dim yr wyf yn ei ysgrifennu wedi’i ymwreiddio mewn dilysrwydd, oherwydd rwyf wir yn credu mai bodau dynol yw’r pethau mwyaf diddorol a rhyfedd yn y byd – ac ni fyddaf fyth yn blino dweud eu storïau.

Er bod bywyd wedi bod yn hael iawn drwy roi llawer o storïau i mi eu dweud, bu’n llai caredig o ran rhoi gormod o le i mi eu dweud nhw, a dyna pam mae bod yn rhan o Pencil Breakers mor bwysig i mi. Drwyddyn nhw, rwyf wedi gallu rhannu gwaith yn yr Eisteddfod Genedlaethol, ymarfer fy nghreadigrwydd a chanfod cymeriadau a golygfeydd sydd yn y pen draw wedi troi’n ddramâu llawn.

Mae cyfarfod yn wythnosol ar-lein ar gyfer gweithdai ysgrifennu mewn amgylchedd sydd mor ddiogel, archwiliadol ac anogol wir yn ysgogi creadigrwydd, sy’n rhywbeth y mae Sparc wedi’i wneud i mi ers y cychwyn cyntaf.